SHBA: Misteri i Mumjes Xhuxh në Malet e San Pedro-s …

Në qershor 1934, dy kërkuesit e arit, të cilët kishin gërmuar dhe kryer shpërthime me lëndë plase për ar brenda maleve San Pedro në Wyoming, hasën në një shpellë të vogël një njeri trup vogë i futur thellë brenda shkëmbit të trashë. Kur pluhuri filloi të qetësohej, kërkuesit bënë një zbulim befasues ku zbuluan mbetjet e një njeriu të vogël të ruajtur mirë, por të harruar prej kohësh.

Origjina e këtij njeriu të vogël ishte një mister. Fiset vendase amerikane njiheshin për historitë që tregonin për “njerëzit e vegjël” legjendar,ku i quanin “shpirtrat e vegjël” ose Nimeriga.

Në disa nga këto histori, njerëzit e vegjël kishin fuqi magjike, ose fuqi shëruese. Në disa histori të tjera, ata ishin një fis i egër që sulmoi amerikanët vendas me shigjeta të helmuara.

Zbulimi i mbetjeve të mumifikuara tërhoqi shumë vëmendjen në këtë zonë, duke shkaktuar shumë pyetje dhe duke krijuar polemika. Kishte shumë që dyshonin në vërtetësinë e historisë të kërkuesve, duke besuar se mbetjet ishin të fabrikuara dhe historia ishte një mashtrim.

Shkencëtarët u dyndën menjëherë në atë zonë,ku të gjithë me një dëshirë të thellë për të përcaktuar të vërtetën pas personit të vogël, me nofkën “Pedro”,ku me një lartësi ulur prej gjashtë e ½ inç dhe një lartësi të vlerësuar në këmbë prej katërmbëdhjetë inçësh, ishte e qartë se këto nuk ishin mbetje të zakonshme.

Shkencëtarët kryen testime të gjera mbi Pedro. Së pari, ata shqyrtuan provat fizike të jashtme. Pedro u gjet në një pozicion ulur, këmbëkryq, në një parvaz të vogël brenda asaj që dukej të ishte një shpellë e krijuar nga njeriu. Me sy të fryrë dhe një kranium të rrafshuar, Pedro ishte jashtëzakonisht i ruajtur – aq shumë sa edhe thonjtë e tij ishin të dukshëm.

Një substancë xhelatinoze mbuloi kokën e Pedros dhe u bë e qartë se lëngjet ishin përdorur për të ruajtur trupin. Hunda e tij ishte e rrafshuar, ai kishte një grup të plotë dhëmbësh dhe lëkura e tij ishte kafe dhe e rrudhur, duke krijuar pamjen e një plaku.

Në vitet pas zbulimit të Pedro-s, shkencëtarët kryen testime më invazive, duke përdorur rrezet X në përpjekje për të zhbllokuar misterin. Disa antropologë fillimisht arritën në përfundimin se eshtrat ishin ato të një foshnjeje, me gjasë të lindur para kohe, ose që vdiq pak pas lindjes.

Megjithatë, kjo është një fushë mosmarrëveshjeje, pasi një grup i dytë shkencëtarësh besojnë se mbetjet janë të një të rrituri, ndoshta 16-65 vjeç. Është thënë se rrezet X zbuluan dhëmbë të mprehtë dhe praninë e ushqimit në stomak që dukej të ishte mish i papërpunuar. Rrezet X sugjeruan gjithashtu se Pedro kishte pësuar një vdekje të dhunshme, duke treguar kocka të thyera, një shtyllë kurrizore të dëmtuar dhe dëmtim të kafkës.

Zbulimi i mbetjeve të mumifikuara çoi në spekulime të rëndësishme se mbetjet ishin një mashtrim. Prania e substancës xhelatinoze në kokën e Pedros bëri që disa të besonin se mbetjet ishin në të vërtetë ato të një foshnjeje të vdekur, të marrë nga një institucion mjekësor, ose se kërkuesit kishin krijuar mbetjet duke përdorur një formë të papërpunuar taksidermie.

Megjithatë, të tjerët thanë se mbetjet ishin dëshmi e një race të ngjashme me Leprechaun, si ato të përmendura në legjendat e njerëzve vendas indigjenë, ose dëshmi e një qenieje jashtëtokësore. Ishte e vështirë për shumë të kuptonin se një njeri me shtat kaq të vogël mund të ishte një i rritur.

Ndërsa testimi modern mund të japë shumë më tepër përgjigje për origjinën e Pedros, një testim i tillë nuk është i mundur sepse vendndodhja e mbetjeve ka qenë e panjohur për disa vite. Thuhet se mbetjet u ekspozuan gjatë shfaqjeve anësore në vitet 1940, dhe më pas u blenë nga një burrë i quajtur Ivan Goodman. Pas vdekjes së Goodman në vitin 1950, eshtrat i kaluan një burri të quajtur Leonard Waller (ndonjëherë i raportuar si Walder). Eshtrat nuk janë parë që atëherë.

Me eshtrat që nuk gjenden askund, misteret e Pedros mbeten edhe sot e kësaj dite. Shumica e shkencëtarëve pajtohen se mbetjet e Pedros ishin ato të një njeriu të rritur mashkull.

Sidoqoftë, testimi modern mund t’i përgjigjej shumë pyetjeve shtesë, si nga vinte ai, nëse vuante nga ndonjë sëmundje apo gjendje kongjenitale, çfarë ishte substanca xhelatinoze dhe si vuloseshin mbetjet e tij brenda një shtrese të trashë shkëmbi.

Përgjigjet për këto pyetje, dhe shumë të tjera, ka të ngjarë të mbeten pa përgjigje nëse mbetjet nuk mund të gjenden dhe testohen më tej. Deri atëherë, shkencëtarët dhe entuziastët mund vetëm të spekulojnë se kush ose çfarë ishte ai.
/Stopfake.al/