Breshëri kallashnikovi drejt godinës së Top Channel, mbetet i vrarë roja i sigurisë …

Pak pas mesnatë, persona të paidentifikuar ende, qëlluan me kallashnikov në drejtim të Top Channel. Si pasojë e të shtënave, mbeti i vdekur, roja i televizionit, që ruante godinën pranë Big Brother, Pal Kola, 60-vjeç.

Ndërkohë JOQ siguron foton e të ndjerit i lindur më datë 20 prill 1962.

Dëshmitarë okularë bëjnë me dije se numri i personave të përfshirë në këtë ngjarje ka qenë katër, teksa mjeti “Range Rover”, i djegur në Golem, dyshohet se ka shërbyer pikërisht për këtë ngjarje. Bëhet me dije se një roje në një objekt në zonën ku është djegur “Range Roveri” ka parë katër persona.

I ndjeri jetonte në një shtëpi të vogël në Sharrë, në kushte të mjerueshme, teksa punonte çdo ditë, edhe për festa, për bukën e gojës. Kola çdo ditë, shkonte në këmbë nga Sharra në Mëzez, tek Top Channel, ku punonte roje për të mbajtur veten dhe familjen./JOQ

Doni të informoheni të parët për lajme ekskluzive?
Na ndiqni në Telegram Chanel këtu: https://t.me/patriotikmedia si dhe Twitter: https://twitter.com/PatriotikMedia
“Nuk bëhesh gazetar për te qene, i njohur por për të qene i dobishëm”

/PatriotikMedia